Маэстро Денис Мацуев кулыннан укуга сертификатны Урыссу балалар сәнгать мәктәбендә тәрбияләнүче Маргарита Глухова алды.
Зур шатлыгым белән уртаклашасым килә. Ноябрь ахырында миңа, талантлы укучым Глухова Маргарита белән, Әлмәттә ТР дәүләт академия симфоник оркестры концертында булу бәхете тиде.
Безнең өчен бу көн чын вакыйгага әверелде. Без классик, джаз музыкасы авазларына чумдык, танылган пианист Денис Мацуевның фантастик, виртуоз уенын тыңладык һәм сокланып күзәттек.
Аның уены шулкадәр тәэсирле булды ки, ул үзе һәр нотаны, һәр эмоцияне яши кебек тоелды. Оркестр гармонияле һәм көчле яңгырауга тагын да күбрәк ярдәм итте.
Бу көнне без Маргарита белән искиткеч концертка эләгүебез очраклы түгел, без аны әле озак искә алачакбыз...
Көзге каникулларда безгә "Каракуз" иҗат мәктәбендә уку мөмкинлеге бирелде, анда Татарстанның көньяк - көнчыгышындагы яшь талантлар белән Мәскәүнең әйдәп баручы музыка йортлары укытучылары шөгыльләнде.
Актаныш, Әлмәт, Баулы, Җәлил, Зәй, Мөслим, Яңа Чишмә, Нурлат, Түбән Кама һәм Урыссудан 36 яшь музыкант җыелды.
Проект нәтиҗәләре буенча, иң яхшы дүртәү 2025 елда Суздальдә узачак «Яңа исемнәр» 33 нче Халыкара җәйге иҗат мәктәбенә «путевка» алды!!!
Бүләкләү тантанасы "Нефтьче" мәдәният сараенда Денис Мацуев концерты вакытында узды. Маэстро кулыннан укырга сертификатлар алдылар:
- Маргарита Глухова, Урыссу балалар сәнгать мәктәбендә «Халык җыры» белгечлеге буенча тәрбияләнүче;
- Данил Седов, Баулы балалар сәнгать мәктәбенең "Балалайка" белгечлеге укучысы;
- Әдилә Галәвиева, Әлмәтнең 3 нче балалар музыка мәктәбенең яшь скрипкачысы;
- Георгий Дмитриев, Әлмәт мәктәбенең «Труба» белгечлеге укучысы.
Кечкенә музыкантларны югары дәрәҗәдә әзерләгәннәре өчен аларның педагогларын да рәхмәт хатлары белән бүләкләделәр.
Без "Каракүз" иҗат мәктәбенә, "яңа исемнәр" иҗат мәктәбенә, Денис Яковлевич Мацуевка һәм, әлбәттә инде, "Татнефть" хәйрия фондына шушы матур хисләр, талантлы балаларга ярдәм иткәннәре өчен рәхмәт белдерәбез.
Суздальдә җәйне түземсезлек белән көтәбез!
Ә хәзергә, яңа конкурсларга әзерләнәбез, өйрәнәбез һәм тырышып шөгыльләнәбез! Якты йолдызыбыз Маргаритага уңышлар һәм якты җиңүләр телим!
Оксана Җәләева