"Альянс" вокаль ансамбле беренче юбилеен билгеләп үтте
Район мәдәният йортында районда танылган, иҗат юлының биш еллыгын билгеләп үткән коллективның концерты булды.
Исегезгә төшерәбез, «Альянс» вокаль ансамбле Гүзәл Нигъмәтуллина җитәкчелегендә эшли. Үз эшчәнлеге вакытында коллектив составы бераз үзгәрде, әмма төп нигез сакланып калды. "Альянс" төрле һөнәр ияләрен һәм темпераментлы кешеләрне берләштерде. Җырны яратучы һәм аны тыңлаучының йөрәгенә җиткерергә сәләтле кешеләр. Репертуар һәрвакыт тамашачыга якын һәм аңлаешлы булып калды. Бу җырларда бер генә буын үсмәгән бит.
Юбилярларга ярдәм итәргә «Ютазы йолдызлары», «Семь нот» иҗат коллективлары, Чулпан Зәйдуллина, Илнар Мәхмүтов һәм башкалар килде. Концерт программасы пәрдәсе астында район мәдәният йорты директоры Николай Гребенюк һәм сәнгать җитәкчесе Айгөл Абдурахманова коллективны юбилейлары белән котладылар, күп еллар дәвамында тамашачыларны якты тавышлары, яхшы репертуары белән сөендерүләрен теләделәр һәм һәр катнашучыга кечкенә бүләкләр тапшырдылар. Әлбәттә инде, «альянс» җитәкчесе адресына аерым рәхмәт сүзләре яңгырады.
Роза Әхмәдиева
"Ютазы таңы" газетасы