Ютазы самбочысы спорт осталыгы югарылыгына таба юлын дәвам итә
16-22 декабрь көннәрендә Кстово шәһәрендәге Халыкара спорт академиясендә самбо буенча Идел буе федераль округы беренчелеге булып узды.
«Атлант» спорт комплексында тәрбияләнүче Софья Игонина 16-18 яшьлек кызлар арасында 59 кг га кадәр авырлык үлчәмендә көмеш медаль яулап, искиткеч нәтиҗә күрсәтте.
Софья үзенең талантын һәм осталыгын исбатлап кына калмады, февральдә Новосибирск шәһәрендә старт алачак 2025 елгы Россия Беренчелегенә юллама да алды.
Бу үзеңнең бөтен потенциалыңны күрсәтү мөмкинлеге.
Ул куелган бурычны үтәр һәм җиңүгә таба юлын дәвам итәр дип ышанабыз!
Без Софьяга алга таба уңышлар һәм яңа спорт үрләре телибез!
Әзерлеккә күп көч һәм белем салган тренерларның зур өлешен билгеләп үтмичә мөмкин түгел. Аларның профессиональлеге һәм ярдәме күренекле нәтиҗәләргә ирешергә ярдәм итә.