Урыссуда гуманитар ярдәм җыю үзәгендә укучылар волонтерлар белән очрашты
Урыссу бистәсендәге гуманитар ярдәм җыю үзәгендә Урыссуның 2нче мәктәбенең 5нче сыйныф укучылары (җитәкчеләре — Гыйльфанова Л.А.) бистә волонтерлары белән очрашты, алар махсус хәрби операциядә катнашучыларга ярдәм итәләр.
Очрашуда шулай ук «Россия Әфганстан ветераннары советы» ның Баулы шәһәре һәм районы буенча вәкиле Нуриев Ринат Разиф улы һәм район ветераннар Советы катнашты. Ринат Разифович балаларга Донецк һәм Луганск республикалары территориясенә барулары, гуманитар йөкнең ничек итеп сугышчыларга бүлекчәләргә һәм госпитальләргә китерелүе турында сөйләде.
Укучылар зур кызыксыну белән ятьмәләр ясадылар һәм солдатларга хатлар яздылар, алар волонтерлар аша алгы сызыкка тапшырылачак.
Очрашу азагында балалар тиздән махсус хәрби операция уздыру зонасына җибәреләчәк гуманитар ярдәм посылкаларын төяүдә катнаштылар.