Димтамак укучылары СВОда катнашучы белән очраштылар
Димтамак мәктәбендә патриотик сәгать мәктәпне тәмамлаган, хәзер махсус хәрби операциядә катнашучы, кыска вакытлы ялда булган Олег Туймуллинны чакырдылар.
Ул укучыларга үзенең хезмәт тәҗрибәсе, хезмәт итәргә карар кабул итүе һәм аның тормышында нинди үзгәрешләр булуы турында сөйләде, игътибарны үз Ватанын саклауның мөһимлегенә юнәлтте.
Яшь армиячеләр Олегка сәламәтлек һәм исән-сау әйләнеп кайтуын теләделәр, аңа окоп шәмнәре, ата-аналар, укытучылар һәм укучылар җыйган посылка бүләк иттеләр. Малайлар шулай ук солдатларга хатлар тапшырдылар. Хәрби хезмәткәрнең кәефен күтәрү һәм аның игътибарын эш мәшәкатьләреннән читкә юнәлтү өчен укучылар зур булмаган концерт оештырдылар һәм мәктәп музее буйлап экскурсия үткәрделәр. Чара барышында һәлак булганнарны бер минут тынлык белән искә алдылар. Олег Юрьевич ярдәмнәре өчен рәхмәт белдерде. Аның исәбендә Төньяк Кавказдагы хезмәте өчен ике медаль һәм махсус хәрби операциядә хәрби хәрәкәтләрдә катнашуы өчен медаль.