Балалар СВО сугышчыларына ярдәм итәләр: кул эшләре, рәсемнәр һәм хатлар
Бала махсус хәрби операциядә (СВО) катнашучы сугышчыларыбызга ничек ярдәм итә ала?
Иң дулкынландыргыч ысулларның берсе - ул кул эшләре, рәсемнәр яки хатлар аша әхлакый ярдәм. Шундый кечкенә, ләкин ихлас игътибар билгеләре алгы сызыктагы сугышчыларга рух көчен һәм яхшылыкка ышанычны сакларга ярдәм итә.
«Тылсымлы әвәләү» берләшмәсе укучылары 1 нче башлангыч мәктәп һәм балалар иҗат үзәге базасында безнең яклаучыларыбыз өчен зур булмаган эшләнмәләр ясадылар. Яратып һәм кайгыртып эшләнгән һәр эшләнмә сугышчыларга тыныч тормышны искә төшерә һәм аларның катлаулы көннәрендә үзенчәлекле саклауга әверелә.
"Балалар теләкләре белән тулы бу эшләнмәләр сугышчыларыбызга исән — сау әйләнеп кайтырга ярдәм итсен", - ди педагог Гөлнара Мәсхүт кызы Гобәйдуллина.
Мондый инициативалар сугышчыларга ярдәм итеп кенә калмый, ә балаларны кайгыртырга, мәрхәмәтле булырга һәм дөньяның кадерен белергә өйрәтә.
Хәтта кечкенә өлеш тә илебезне саклаучылар өчен зур ярдәм булырга мөмкин.