Беренче язгы бәйрәмгә багышланган концерт
Ютазы сәхнәсендә район мәдәният йортының солистлары һәм иҗат коллективлары балкып торды.
Ютазы авылы мәдәният йортында 8 Март Халыкара хатын-кызлар көненә багышланган бәйрәм концерты узды. Яшь талантлы, районда һәм аннан читтә танылган артистлар концертка килүчеләргә чын күңелдән ял минутлары бүләк иттеләр. Сәхнәдән кешелекнең гүзәл яртысын район башлыгы Аяз Шәфигуллин котлады. Ул билгеләп үткәнчә, хәзерге дөньяда хатын-кызның ролен бәяләп бетереп булмый - алар барлык өлкәләрдә диярлек эшлиләр, җитәкче вазифаларын билиләр, шул ук вакытта өй учагын саклаучылар булып калалар. Аяз Шәфигуллин СВО территориясендә хезмәт итүче ир-егетләрнең әниләренә һәм хатыннарына аерым рәхмәт белдерде, барысына да тыныч күк йөзе теләде.
Ә сәхнәдән сөйкемле хатын-кызларның күңеленә җыр булып яткан сүзләр яңгырады. «Ютазы йолдызлары» һәм «Сударушка» ансамбльләре сөендерде. Артистлар турында сөйләгәндә сүз Урыссу сәнгать мәктәбендә — музыкантлар, җырчылар, биючеләр тимерчелегендә тәрбияләнүчеләр турында да бара... Әле олылар булмасалар да, сәхнәдә үзләрен тота белүчеләр. Зал да алкышларга саранланмады, зал беренче язгы бәйрәмгә кул чапты.