Хөрмәтле гражданнар! Бәйрәмнәр алдыннан кешеләр күпләп җыела торган урыннарда үз-үзеңне тоту кагыйдәләрен истә тоту мөһим

Кешеләр күпләп җыелган урыннардан сакланыгыз.

Бу вакыйгаларга ничек кенә карыйсы килмәсен, халыкка кушылмагыз.

Әгәр халык арасында булсагыз, аңа сезне күтәреп барырга рөхсәт итегез, ләкин аннан чыгарга тырышып карагыз.

Тирән итеп сулагыз һәм, күкрәк читлеге кысылмасын өчен, терсәкләрегездә бөгелгән кулларыгызны чак кына читкә җәеп җибәрегез.

Озын буйлы һәм эре кешеләрдән, зур әйберләр һәм зур сумкалар тоткан кешеләрдән ераграк китәргә омтылыгыз.

Теләсә нинди ысуллар белән аягыгызда торып калырга тырышыгыз.

Кулыгызны кесәгездә тотмагыз.

Хәрәкәт иткәндә аякларыгызны мөмкин кадәр югарырак күтәрегез, аякларыгызны тулы аягыгызга куегыз, вак атламагыз, аяк очларына менмәгез.

Әгәр дә этеш-төртеш куркыныч төс алган икән, хәзер үк, уйлап та тормыйча, теләсә нинди йөктән, барыннан да элек озын каешлы сумкадан һәм шарфтан арыныгыз.

Әгәр нәрсәнедер төшереп калдырган булсалар, күтәрер өчен һич тә иелмәгез.

Әгәр егылсагыз, мөмкин кадәр тизрәк аякка басарга тырышыгыз. Шул ук вакытта кулларыгызга таянмагыз (аларны таптыйлар яки сындыралар). Бер генә мизгелгә булса да аяк табаннарына яки оекбашларына басарга тырышыгыз. Терәккә ия булгач, аякларыгызны җирдән кискен этеп, "калкып чыгыгыз".

Әгәр торып булмаса, йомгак белән бөгәрләнегез, башыгызны беләкләрегез белән саклагыз, ә кулларыгыз белән җилкә чокырын каплагыз.

Кешеләр белән тулган бинага килеп эләккәч, экстремаль хәл килеп чыкканда кайсы урыннарның аеруча куркыныч булуын алдан билгеләгез (стадиондагы секторлар арасындагы үтүләр, пыяла ишекләр һәм концерт залларындагы бүлемнәр һ.б.), запас һәм авария чыгу юлларына игътибар итегез, исегездән аларга юл ясагыз.

Халык төркеменнән зал почмакларында яки стена буенда ышыклану җиңелрәк, әмма аннан ишеккә кадәр барып җитү катлаулырак.

Паника килеп чыкса, тынычлык сакларга һәм хәлне аек бәяләргә тырышыгыз.

Митингта катнашучыларга "кызыксыну өчен" кушылмагыз. Башта митингның санкцияләнгәнме икәнен, чыгыш ясаучы кешеләр ни өчен агитация ясавын белегез.

Теркәлмәгән оешмаларга кермәгез. Мондый оешмаларның чараларында катнашу җинаять җәзасына китерергә мөмкин.

Массакүләм тәртипсезлекләр вакытында катнашучылар һәм тамашачылар төркеменә эләкмәскә тырышыгыз. Сез махсус бүлекчә сугышчылары гамәлләренә эләгә аласыз.

Көтелмәгән хәл килеп чыккан очракта коткару хезмәтенә 101 яки 112 телефоннары аша хәбәр итәргә кирәк.