Ютазы районының яшь гражданнары Җиңү көне алдыннан паспорт алдылар
Район хакимиятенә тантаналы шартларда 14 яшькә җиткән 12 яшь кешегә паспортлар тапшырылды.
Бөек Җиңүнең 80 еллыгы алдыннан бу мөһим вакыйганы билгеләп үтү өчен районның төрле мәктәпләреннән балалар утырышлар залына җыелдылар.
Район башлыгы Аяз Шәфигуллин балаларны аеруча тирән дулкынлану һәм җылылык белән сәламләде. "Кадерле егетләр, Сез - безнең алтын фонд! - диде ул яшь гражданнарга. Менә сезнең балачагыгыз бетте, укуыгыз һәм үз-үзегезне тотышыгыз бик шәп булсын! Бүген безнең арада СВОда катнашучыларның хатыннары һәм балалары бар, һәм без аларга чын күңелдән тизрәк исән-сау кайтуларын телибез. Сезне шушы истәлекле көн белән котлыйм һәм сез Ютазы районының лаеклы гражданнары һәм илебезнең чын патриотлары булырсыз дип ышанам!"
Котлауларга Ютазы районы буенча Эчке эшләр министрлыгының полиция бүлеге начальнигы Рушан Камаев та кушылды, Балаларга хокуклары белән бергә бурычлары да барлыкка килүен искәртеп, законнарны һәм тәртипне үтәргә өндәде.
Бәйрәм атмосферасын Алинә Данчул «Вознялась в небе радуга над Россией моей» патриотик җырын башкарып тулыландырды.
Тантаналы рәвештә паспортлар тапшырганнан соң, район башлыгы балалар өчен администрация буенча экскурсия үткәрде, үзенең кабинетын күрсәтте һәм район җитәкчесе эше турында беренче авыздан сөйләде. Яшь гражданнар район тормышы турында күп нәрсәләр белә алдылар.
Чара азагында район башлыгы Аяз Шәфигуллин һәм РФ Федераль Җыены Дәүләт Думасы депутаты, Дәүләт Думасының Куркынычсызлык һәм коррупциягә каршы көрәш комитеты әгъзасы Руслан Гаджиев белән истәлекле фотосессия булды.
Бу көн яшь гражданнар хәтерендә мәңгегә сакланачак, чөнки алар Бөек Җиңүнең 80 еллыгын билгеләп үтәргә әзерләнгән истәлекле чорда үз илебезнең тулы хокуклы гражданнары булдылар!
Еллар узсын, алар бу көн һәм район башлыгының аларга паспорт тапшыруы турында балаларына горурланып сөйләрләр.
Хәерле юлга, балалар! Сезнең өстегездә һәрвакыт тыныч күк булсын!