Ютазы укучылары һәм Дәүләт автоинспекциясе машина йөртүчеләрне Җиңү көне белән котлады
Бүген, Бөек Җиңү көне алдыннан, Ютазы районында юл хәрәкәте иминлеге буенча профилактик акция узды.
Дәүләт автоинспекциясе хезмәткәрләре, Урыссу гимназиясенең яшь хәрәкәт инспекторлары һәм «Ютазы таңы» район газетасы машина йөртүчеләрне якынлашып килүче бәйрәм белән котладылар һәм юл хәрәкәте кагыйдәләрен үтәүнең мөһимлеген искәрттеләр.
ГАИ инспекторлары автомобильләрне туктатты, ә яшь ярдәмчеләр машина йөртүчеләргә Георгий тасмалары тапшырды - безнең горурлык, хәтер һәм хәрби дан символы. Тасмалар белән бергә машина йөртүчеләр юл йөрү кагыйдәләрен үтәргә чакыру белән белешмәләр алдылар.
Машина йөртүчеләрнең реакциясе чын күңелдән булды: елмаюлар, рәхмәт сүзләре һәм мизгелнең мөһимлеген аңлау. Чөнки Георгий тасмасы - символ гына түгел, ә буыннар арасындагы бәйләүче җеп, безнең ата-бабаларыбыз батырлыгы турында искә төшерү.
«Бары тик уртак тырышлык белән генә без тарихка һәм юлларда иминлеккә хөрмәт тәрбияләүдә нәтиҗәләргә ирешә алабыз", - дип ассызыклады Ютазы районы Дәүләт автоинспекциясе башлыгы Марс Гәрәев.
Акциягә Ютазы районы башлыгы Аяз Шәфигуллин да кушылды.
"Җиңү юллары" һәрвакыт куркынычсыз булсын! Геройлар турында онытмагыз, юл хәрәкәте кагыйдәләрен үтәгез, үзегезне һәм якыннарыгызны саклагыз! Якынлашып килүче Җиңү көне белән!