Леонид Сергеевич Воробьев белән хушлашу
Бүген күренекле педагог һәм остаз Леонид Сергеевич Воробьев белән хушлашу булды. Аның үсеп килүче буынны укытуга һәм тәрбияләүгә керткән өлеше бәяләп бетергесез һәм тирән хөрмәткә лаек.
Леонид Сергеевич Воробьев 1945 елның 2 гыйнварында туган. 1967 елда ул Урыссу сигезьеллык гомуми белем бирү мәктәбендә физик культура укытучысы буларак һөнәри эшчәнлегенә керешә. 1968 елда 2 нче Урыссу урта гомуми белем бирү мәктәбенә шундый ук вазыйфага күчә, анда 1979 елның августыннан 1990 елның маена кадәр директор вазыйфасын башкара.
Леонид Сергеевичның профессиональлеге, энтузиазмы һәм тормыш сөючәнлеге хезмәттәшләрен, укучыларын һәм аларның ата-аналарын илһамландырып торган. Кызганычка каршы, тормыш мәңгелек түгел, һәм бүген без бу искиткеч кеше белән хушлашабыз. Аның зирәклеге, белеменең югары дәрәҗәсе һәм намуслылыгы безнең хәтердә мәңгегә калачак. Леонид Сергеевич Воробьев чын педагог һәм үрнәк шәхес иде.
Леонид Сергеевич турындагы истәлек безнең йөрәкләрдә мәңгегә калачак. Ютазы муниципаль районы Советы, башкарма комитеты, район депутатлары исеменнән һәм шәхсән үз исемемнән Леонид Сергеевичның туганнарының һәм якыннарының кайгысын уртаклашам.