Спорт һәм физкультура – яшүсмерләр наркоманиясенә каршы!
Наркотикларга каршы комиссиянең район башлыгы Аяз Шәфигуллин җитәкчелегендә узган чираттагы утырышында сүз яшьләр, бигрәк тә мәктәп укучылары арасында әлеге юнәлештәге эшне активлаштыру турында барды.
Россия Эчке эшләр министрлыгының Ютазы районы бүлеге мәгълүматлары буенча, агымдагы елда оператив-эзләү чаралары барышында наркотикларны законсыз саклаган өчен бер җинаять ачыкланган, наркотикларның законсыз әйләнеше өлкәсендә алты административ хокук бозу ачыкланган. Бу хакта утырыш барышында Россия Эчке эшләр министрлыгының Ютазы районы буенча бүлеге начальнигы Аяз Зыяров сөйләде.
Район үзәк хастаханәсендә диспансер исәбендә 53 наркотикларга бәйле зат тора: 32се – профилактик исәптә, 21е – диспансерда.
Тартып алынган наркотикларның төп төрләре булып гашиш, мәк саламы экстракты, марихуана, шулай ук синтетик наркотик матдәләр тора.
Ютазы районы территориясендә гамәлдәге наркопритоннар һәм наркоточкалар юк.
Мәгариф бүлеге начальнигы Сергей Абрамов мәгариф учреждениеләрендә профилактик эшнең ничек куелуы турында сөйләде. Аерым алганда, ул билгеләп үткәнчә, җәйге каникуллар чоры һәрвакыт куркыныч: яшүсмерләр начар компаниягә эләгергә, теге яки бу хокук бозулар кылырга мөмкин. Моны булдырмас өчен җәй көне мәгариф линиясе буенча 325 укучыны үз эченә алган хезмәт һәм ял лагерьлары эшләү планлаштырыла. Лагерьлар 2 июньнән эшли башлаячак.
- Һәр мәктәп яны лагере эшчәнлегенең конкрет юнәлеше булачак, – дип билгеләп үтте Абрамов,-хәрби-патриотик, экологик, «Россия бөркетләре», юл хәрәкәте иминлеген профилактикалау, спорт-сәламәтләндерү. Шулай ук 1 июньнән ЦДТ каршында «Дуслык территориясе» ачылачак, анда тематик чаралар узачак, шул исәптән яшүсмерләр наркоманиясен профилактикалау буенча да.
Мәдәният линиясе буенча башкарыла торган эшне дә киметмәскә. Мәдәният бүлеге җитәкчесе Рөстәм Абдурахманов яшьтән үк җәмгыятьнең белемле, тәрбияле, актив әгъзаларын тәрбияләү эше турында җентекле мәгълүмат бирде. Шул ук вакытта, дип ассызыклады ул, мәдәният хезмәткәрләре бурычларына үсеп килүче буында талантларны һәм башка иҗади потенциалны ачу йөкләнә.
Районда 241 клуб оешмасы эшли, шуларның 80 е – 14 яшькә кадәрге балалар өчен, 21е – яшьләр өчен. Китапханәләр каршында яшүсмерләр клублары эшли, аларда наркотикларның зарарлы булуы мәсьәләсе – мөһим мәсьәләләрнең берсе.
Район башлыгы утырышка йомгак ясап, яшүсмерләр белән эшне активлаштырырга кирәклегенә игътибар итте. Сүз уңаеннан, мәгариф бүлеге җитәкчесе билгеләп үткәнчә, балаларның ата-аналары ризалыгы белән наркология кабинетында тиешле тест узганнар һәм барлык нәтиҗәләр дә тискәре булды.
Тулырак: https://yutazy.ru/news/obschestvo/sportom-i-fizkulturoi-po-podrostkovoi-narkomanii