"Бәхетле балачак": яшь талантлар кайда туа
Кәрәкәшле мәктәбендә без дәрестә белем алып кына калмыйбыз, үзебезнең иҗади сәләтләребезне ачып, һәрьяклап үсәбез.
Өстәмә белем бирүнең иң якты һәм кирәкле юнәлешләреннән берсе - "Бәхетле балачак" театр түгәрәге.
Театр түгәрәге нәрсә тәкъдим итә?
Талантлы педагог Илсөяр Сәет кызы Нәгыймова җитәкчелегендә башлангыч сыйныф укучылары театрның мавыктыргыч дөньясына чума. Биредә балалар актерлык осталыгына өйрәнеп кенә калмыйлар, хыялларын да үстерәләр, командада эшләргә, хис-кичерешләр белән идарә итәргә һәм үз фикерләрен ышаныч белән белдерергә өйрәнәләр.
Безнең шөгыльләр:
Театр жанрларының төрлелеге белән танышу.
Сәхнә сөйләме, хәрәкәт һәм мимика нигезләрен үзләштерү.
Мәктәп спектакльләрен куюда катнашу, анда һәркем үзен актер, режиссер яки сценарист ролендә сынап карый ала.
Безнең казанышларыбыз:
Узган уку елында яшь артистлар берничә спектакль күрсәттеләр, аларны тамашачылар — укучылар, ата-аналар һәм укытучылар югары бәяләделәр. Без мәктәп, муниципаль һәм республика конкурсларында актив катнашабыз, безнең мәктәпне лаеклы тәкъдим итәбез.
Онытылмаслык вакыйга:
23 майда түгәрәктә катнашучылар Илсөяр Сәетовна белән бергә Казанга тантаналы чарага чакырылдылар, анда «Мәктәп театрлары куелышы конкурсында» җиңгән өчен призер дипломнары (II урын) алдылар. Сәләтле балаларыбызны һәм аларның җитәкчесен котлыйбыз һәм аларга яңа иҗади җиңүләр телибез!
Тулырак: https://yutazy.ru/news/obrazovanie/bexetle-balacak-gde-rozdaiutsia-iunye-talanty