Файдалы каникуллар: яшүсмерләрнең хезмәт тормышына беренче адымнар
21 майда Ютазы районы кадрлар үзәге белгечләре тарафыннан «Укудан буш вакытта эшкә урнашу» темасына «Кадрлар» илкүләм проекты кысаларында балигъ булмаганнар белән очрашу оештырылды.
Бу чарада 30га якын яшүсмер катнашты. Мәктәп укучыларына вакытлыча эшне 3 оешма тәкъдим итте: «Электросоединитель» заводы, «Атлант» яшүсмерләр клубы һәм «Агромир» авыл хуҗалыгы предприятиесе. Сайлау өчен барлыгы 7 вакансия бар иде.
Чара барышында катнашучылар укудан буш вакыт өчен туры килә торган реаль вакансияләр турында белделәр, хезмәт законнары белән таныштылар, ә кемдер җәй көне булачак эш хакын билгеләде. Яшүсмерне вакытлыча эшкә урнаштырганда, хезмәт хакыннан тыш, аңа өстәмә матди ярдәм күрсәтелергә мөмкин. Балигъ булмаган гражданнар «Россия эше» порталында гариза тутырды, кадрлар үзәге хезмәткәрләре консультация үткәрде һәм яшүсмерләргә гариза тутырганда ярдәм итте.
Бала өчен беренче эш — аның үсүендә һәм формалашуында мөһим этап. Бала олыгайган саен, аның үзе канәгатьләндерергә теләгән ихтыяҗлары күбрәк була. Бу үзеңне олы кеше итеп тою өчен мөһим. Киләчәктә ул үз тормышы белән үзе идарә итә алачагына ышаначак.