Хөрмәтле Ютазы районы халкы һәм кунаклары! Сезне төп дәүләт бәйрәме - Россия көне белән котлыйм!
Бу көнне безнең һәрберебез үзен бөек державаның бер өлеше итеп тоя. Без үз Ватаныбыз, аның күп гасырлык тарихы һәм бай мәдәнияте белән горурланабыз.
Бүген без үз илебезнең бүгенгесе һәм киләчәге өчен аерым җаваплылык тоябыз, чөнки ул бит безнең һәрберебезгә – махсус хәрби операция уздыру зонасында ил мәнфәгатьләрен яклаучыларга, Ватан иминлеге өчен хезмәт итүчеләргә һәм сугышчыларыбызга ышанычлы тыл тәэмин итүчеләргә бәйле.
Татарстан Республикасы Рәисе Рөстәм Нургали улы Миңнеханов билгеләп үткәнчә: "Бу ил өчен горурлык көне, аның күп гасырлык тарихы һәм мәдәнияте, Ватанны данлаучы һәм саклаучы ватандашларыбызның казанышлары".
Бу бәйрәм йөрәкләрне Ватаныбыз өчен горурлык белән тутырсын, яңа казанышларга рухландырсын һәм якты киләчәккә ышанычны ныгытсын! Барыгызга да ныклы сәламәтлек, тынычлык һәм иминлек телим! Россия Көне белән!