Табигатькә мәхәббәт һәм әйләнә-тирә мохит турында кайгырту чын гаилә эшенә әверелергә мөмкин
Моны Иске Урыссу авылында яшәүче Хафизовлар гаиләсе үз мисалында исбатлады.
Күптән түгел Казанда «Экологик иминлек» дәүләт программасы кысаларында оештырылган «Экояз 2025» республика акциясе җиңүчеләрен хөрмәтләделәр, анда Хафизовлар да катнашты.
Безнең районнан Зөлфия Хафизова-Әминова гаиләсе «Экогаилә» номинациясендә, «Экопомощник» категориясендә (18+ яшь төркеме) өченче урынга лаек булдылар.
Бүләкләр тапшыру тантанасы «Елмай» балалар паркында «Татарстанда җәй» фестивале кысаларында узды. Паркны булдыру Татарстан Республикасы Рәисе Рөстәм Миңнеханов ярдәме белән мөмкин булды.
Бүләкләү тантанасыннан тыш, конкурста катнашучылар үзләрен экологик квестларда күрсәтә алдылар, үз значокларын булдырдылар һәм махсус мастер-классларда катнаштылар. Акциядә катнашу һәм җиңү бик үк җиңел булмады. Мәсәлән, икеайлык кысаларында түбәндәге эшләрне башкарырга кирәк иде: агачлар, чәчәкләр утыртырга, өмәләр оештырырга һәм анда катнашырга, макулатура тапшырырга, сыерчык оялары, җимлекләр ясарга һ. б.