Җиңүчеләрне бүләкләү тантанасы
Татарстан Республикасы Ютазы муниципаль районында «Мин Ватаным белән горурланам» Республика балалар рәсеме конкурсында катнашучыларга бүләкләр тапшыру тантанасы булды.
Чара профсоюзның республика оешмасы ярдәмендә узды.
Ютазы муниципаль районы башлыгы урынбасары, Республика профсоюз комитетының ышанычлы кешесе Зәкуан Ильясов оешма рәисе исеменнән дипломнар һәм сертификатлар тапшырды. Үзенең чыгышында ул үсеп килүче буынның иҗади үсешенең һәм яшьләргә патриотик тәрбия бирүнең мөһимлеген билгеләп үтте.
Конкурста актив катнашулары һәм югары нәтиҗәләр күрсәтүләре өчен бүләкләнгән укучылар адресына аерым котлаулар яңгырады. Аларның эшләре жюри тарафыннан югары бәяләнде.
Чара бергәләп истәлеккә фотога төшү белән тәмамланды. Оештыручылар мондый конкурслар күркәм традициягә әверелер һәм районда яшәүче яшьләрнең талантларын ачуга ярдәм итәр дип ышаныч белдерделәр.
Тулырак: https://yutazy.ru/news/konkursyi/torzestvennoe-nagrazdenie-pobeditelei