Салымнар буенча мәсьәләләрне инспекциягә шәхсән мөрәҗәгать итмичә генә хәл итәргә мөмкин

Россия Федераль салым хезмәте сайтында 70тән артык онлайн-сервис салым мәсьәләләренең күбесен дистанцион рәвештә хәл итәргә мөмкинлек бирә. Шәхси кабинетлар ярдәмендә декларация тутырырга һәм җибәрергә, салым түләргә, сорау бирергә һәм консультация алырга мөмкин. Шулай ук камераль тикшерү статусын күзәтү, үз мөлкәтеңнең исемлеген карау һәм ташламаларга гариза бирү функцияләре дә бар. Порталның мөмкинлекләре шулай ук үз бизнесыңны теркәргә, кассаны исәпкә куярга һәм эшмәкәрләргә кирәк булган башка бик күп нәрсәләрне теркәргә мөмкинлек бирә.

Онлайн-сервислардан тыш, популяр салым хезмәтләре күп функцияле үзәкләрдә дә бар. МФЦда физик затлар өчен шәхси кабинетка серсүз, салым түләү бурычын үтәү турында белешмә алырга, 3-НДФЛ формасы буенча салым декларациясе, мөлкәт салымнары буенча ташламага гариза һәм башка дәүләт хезмәтләре күрсәтергә мөмкин. Кирәк булса, инспекциягә шәхсән мөрәҗәгать итәргә була, алдан махсус онлайн-сервис ярдәмендә кабул итүгә язылырга мөмкин.

Әлмәт шәһәре, Сөләйманова ур., 1а һәм Бөгелмә шәһәре, Ленин ур., 30 адресы буенча Татарстан Республикасы буенча Россия районара 16 нчы салым инспекциясенең эш графигы:

⦁ Дүшәмбе-пәнҗешәмбе: 9.00 дән 18.00 гә кадәр.

⦁ Җомга: 9.00 дән 16.45 кә кадәр.

шимбә, якшәмбе - ял көннәре.

Керемнәрне декларацияләү һәм гражданнарга уңайлы булсын өчен мөлкәт салымнарын түләү буенча мәгълүмати кампанияләр чорында инспекцияләрнең эш графигы сишәмбе һәм пәнҗешәмбе көннәрендә 20.00 сәгатькә кадәр озайтылачак.