Мәктәпне тәмамлаучылар - алтын һәм көмеш медаль ияләре
Район мәктәпләрен тәмамлаган 69 укучының 19ы – алтын, өчесе көмеш медаль белән тәмамлады.
Район мәгариф системасының казанышы дип, төрле дәрәҗәдәге олимпиада хәрәкәтендә җиңүчеләрнең һәм өлгергәнлек аттестатларының үсү тенденциясен атарга була.
Бу хакта район башлыгы Аяз Шәфигуллин чыгарылыш сыйныф укучыларына «Укудагы уңышлары өчен» медальләр тапшыру тантанасында хәбәр итте.
- Сез беренче мәктәп шалтыратуыннан алып өлгергәнлек аттестатын алуга, балаларча дөньяны кабул итүдән алып аңлы рәвештә кабул итүгә кадәр кызыклы һәм мөһим юл үттегез. Бу юл буена сезнең белән укытучыларыгыз, әти-әниләрегез булды. Мәктәп сезгә тирән белем һәм дөрес әхлакый ориентирлар бирде. Сез талантлы, энергияле, зур потенциалга ия, аны үзегез һәм җәмгыять файдасына кулланырга кирәк. Югары уку йортын тәмамлагач, сез җәмгыятьтә лаеклы урын табарсыз дип ышанам. Сез - районның киләчәге һәм аның эшлекле потенциалы. Сезгә район үз өметләрен баглый. Сезгә төбәкнең, республиканың һәм тулаем илебезнең киләчәге өчен җаваплылыкны үз өстегезгә алырга туры киләчәк. Безнең бурыч исә – яшь буынга үзләрен табарга, үз көчләренә ышаныч табарга, иң яхшы иҗади һәм профессиональ сыйфатларны тормышка ашырырга ярдәм итү, - дип билгеләп үтте Аяз Шәфигуллин үзенең котлау чыгышында, медаль яулаучы остаз-педагогларның һәм ата-аналарның уңышларында зур өлеш кертүен ассызыклап.
Балаларны бу якты көн белән котларга Татарстан Рәисе исеменнән ТР Дәүләт Советы депутаты Камил Гыйльманов килде. Мәктәпне тәмамлаучыларга шулай ук район башкарма комитеты җитәкчесе Светлана Самонина, медальчеләрнең әти-әниләре, укытучылар, мәктәпне тәмамлаучылар үзләре дә изге теләкләрен җиткерделәр. Бәйрәм рухын район мәдәният йорты солистларының иң яхшы концерт номерлары бирде. Медальләр һәм аттестатлар тапшыру тантанасын Аяз Шәфигуллин, Камил Гилманов һәм Светлана Самонина җитәкләде. Менә сәхнәдә алтын һәм көмеш медальләр тотып, талантлы, белемле егетләр басып тора. Бу төбәкнең горурлыгы. Һичшиксез, күп вакыт узмаячак, алар үзләрен Россия төбәгенең, дәүләтебезнең иң җаваплы өлкәләрендә танытачаклар.
Тулырак: https://yutazy.ru/news/obrazovanie/vypuskniki-skol-v-perezvone-zolota-i-serebra