Ютазы егете Эмиль Динмөхәммәтов - Ватанны саклаучыларның яңа буыны вәкиле
Ютазы районы чик сакчылары берлеге армиядән кайткан яшь чик сакчысы Эмиль Динмөхәммәтов белән җылы очрашу оештырды.
Бу вакыйга аеруча әһәмиятле булды, чөнки озак тәнәфестән соң 2024 елда чик буе гаскәрләренә чакыру яңартылды, һәм Эмиль яңадан яшел фуражкасын кигән беренчеләр рәтендә булды.
Тумышы белән Ютазы районыннан Эмиль Ильмир улы Динмөхәммәтов ерак Амур өлкәсендә, 55 нче Сковородинск чик буе отрядында лаеклы хезмәт иткән. Аның хезмәте - бурычны үтәү генә түгел, бәлки патриотизмны торгызу, яшьләрнең Ватаныбыз чикләрен якларга әзер тору символы да ул. Шунысы игътибарга лаек, Эмиль соңгы 17 елда Ютазы һәм Баулы районнарыннан Беренче чик сакчысы булды. Бу вакыйга Ватанга хезмәт итү традицияләрен торгызуның һәм чик буе иминлеген ныгытуның мөһимлеген ассызыклый.
Эмильнең кайтуы - шәхси җиңү генә түгел, бөтен кече ватаныбыз өчен шатлыклы вакыйга да. Ул үсеп ныгып, чыныгып, яңа белем һәм тәҗрибә белән кайтты. Аның хезмәте-үрнәк, хәрби хезмәткә чакырылучыларның киләчәк буыннары өчен стимул.
Эмильне уңышлы демобилизациясе белән котлыйбыз һәм аңа гражданлык тормышында уңышлар телибез! Аның үрнәге яңа казанышларга илһам бирсен һәм илебезнең якты киләчәгенә ышанычны ныгытсын.