«Китап киштәләре белән танышу» дип аталган китапханә буйлап мавыктыргыч экскурсия
Бүген Үзәк балалар һәм Үзәк китапханә кунаклары булып ишегалды лагерьларыннан балалар булды. Килүчеләр өчен «Китап киштәләре белән танышу» исемле мавыктыргыч экскурсия оештырылды. Үзәк китапханә мөдире Камалиева Эльвира һәм Үзәк китапханә китапханәчесе Гәрәева Рузилә балаларга китапханә турында сөйләделәр, формулярларда язу кагыйдәләре белән таныштырдылар, китапларның ничек һәм ничә көнгә бирелүен аңлаттылар, шулай ук китапларга сакчыл карауның мөһимлеген искәрттеләр. Балалар өчен кызыклы викторина әзерләнде, анда һәркем үз белемен һәм зирәклеген күрсәтә алды.
Экскурсия вакытында малайлар һәм кызлар «Җәй китап һәм китапханә белән» һәм «Бөек Җиңүгә багышлана» китап күргәзмәләре белән таныштылар. Китапханәчеләр тарихыбызда хәтер диварында чагылдырылган мөһим вакыйгалар турында сөйләделәр һәм яшь кунакларны китаплар аша үз илебезнең бөек үткәне турында якыннанрак белергә чакырдылар. Очрашу азагында балалар үзләренең тәэсирләре белән уртаклаштылар һәм яңа белемнәр алу һәм кызыклы китап ачышлары ясау өчен китапханәгә ешрак килергә вәгъдә иттеләр.