«Атлант» клубы базасында күрү сәләте буенча инвалидлар арасында шашка буенча дусларча очрашу

Бүген «Атлант» клубы базасында күрү сәләте буенча инвалидлар арасында шашка буенча дусларча очрашу узды.

Чараның инициаторы - Бөтенроссия сукырлар җәмгыятенең җирле бүлекчәсе рәисе вазыйфаларын башкаручы Лилия Вахитова. Шашка турниры Бөтенроссия сукырлар җәмгыятенең 100 еллыгына багышланган. Гражданнарның әлеге категориясе вәкилләре өчен бу чыннан да әһәмиятле дата. Мөгаен, сәламәтлеге мөмкинлекләре чикләнгән кеше өчен аралашу кыйммәт тора дип искә төшерүнең мәгънәсе юктыр. Сукыр яки өлешчә күрү сәләтен югалткан кешенең рухи өлеше гади кешеләрдән берни белән дә аерылмый. Чарада катнашучыларга карасаң, инвалидлык – хөкем карары түгел, ә башка, яшерен ресурслардан файдалану ысулы дигән фикердә расланасың. Һәрхәлдә, чараның атмосферасы аралашу шатлыгы, эчкерсез елмаюлар, сәламәт көндәшлек белән сугарылган иде. Лилия Вахитова Бөтенроссия сукырлар җәмгыятенең данлы датасы белән котлады, барысына да шашка тактасы артында уңышлы ярышлар, яхшы ял һәм аралашу теләде.

Уенчылар спорт дәрте һәм җиңүгә омтылыш күрсәттеләр. Уен тәмамлангач һәм нәтиҗәләр ясалгач, җиңүчеләр һәм призерлар лаеклы бүләкләр алдылар. Дусларча очрашу чәй эчү белән тәмамланды – аралашу һәм якынаю өчен менә дигән сәбәп. «Только с тобою в узком кругу быть я счастливым вряд ли смогу…» Элек популяр булган җырның бу сүзләре Бөтенроссия сукырлар җәмгыятенең җирле бүлекчәсе вәкилләренә карата бик яхшы кулланыла. Ә андыйлар районда 68 кеше. Шулай булгач, дусларның кул кысышулары көчәя барсын һәм көннән-көн түгәрәк киңәя барсын.

Тулырак: https://yutazy.ru/news/obschestvo/krepnet-pozate-druzeskix-ruk