Тормышта шатлык һәм гармония бүләк итүче музыка
Ленар Әюповның йөрәгендә балачактан ук музыка яши.
7 нче сыйныфта ук инде ул, осталыгы белән тамашачыларны таң калдырып, өлкән артистлар белән беррәттән сәхнәгә чыга. Кулына гармун һәм баян тотып, ул якындагы авылларны концертлар белән йөреп чыга, ә Урыссу мәдәният йорты сәхнәсендә аның таланты тулы көченә ачыла — анда ул танылган «Илһам чишмәләре» төркеме составында чыгыш ясый, тамашачылар хәтерендә якты эз калдыра.
Бүген исә бер генә гаилә бәйрәме дә аның моңлы җырларыннан башка үтми, ә аның музыкасы хәтта иң гади кичне дә җылы, гармония белән тулы очрашуга әйләндерә. Аның баянда уйнавын ишеткәч, вакыт туктый кебек тоела, тирә-юньдәгеләр — кечедән алып олысына кадәр - таныш көйләргә кушылып җырлыйлар.
Аның иҗаты - җырлар гына түгел, ул музыка аша тапшырылган тере тарих. Безнең арада шундый талантлы, ихлас һәм сәнгатькә тугры кеше яшәве белән горурланабыз.
Ленар, кешеләргә шатлык бүләк иткәнегез, буыннарны берләштергәнегез һәм традицияләрне саклаганыгыз өчен рәхмәт сезгә!
Сезнең музыкагыз әле озак еллар яңгырасын, тирә-юньдәгеләрне илһамландырсын!
Тулырак: https://yutazy.ru/news/kultura/muzyka-dariashhaia-radost-i-garmoniiu-v-zizni