Хөрмәтле төзүчеләр!
Бу бәйрәм көнендә сезгә ныклы сәламәтлек, гаилә иминлеге һәм эшегездә уңышлар телим! Төзелгән һәр бина сезнең горурлыгыгыз булсын, ә шәһәр сезнең осталыгыгыз аркасында ышанычлы үсешен дәвам итсен!
Төзүчеләр көнен ел саен августның икенче якшәмбесендә билгеләп үтәләр. Аларның хезмәте һәрвакытта да күзгә ташланмый, ләкин яңа мәктәпләргә, больницаларга, төзекләндерелгән ишегалларына һәм паркларга күз салу да җитә.
Татарстан Рәисе Рөстәм Миңнеханов республикада яшәүче һәр кешенең уңайлылыгына һәм иминлегенә аерым әһәмият бирә. Төзелеш тармагы хезмәткәрләре татарстанлыларның тормышын яхшыртырга ярдәм итә.
Республика Россиянең төзелеш өлкәсендә алдынгы урыннарда тора. 2024 ел нәтиҗәләре буенча без төзелеш күләме буенча икенче урында. Соңгы ун елда 1500дән артык сәламәтлек саклау объекты төзелгән һәм капиталь ремонтланган. Без шулай ук мәктәпләр һәм балалар бакчалары төзелешендә һәм ремонтында да алда барабыз. Парклар һәм ишегаллары торган саен уңайлырак була бара.
Ютазы районында биш ел эчендә өч балалар бакчасына, унөч мәктәпкә, өч мәдәният йортына һәм дүрт медицина объектына капиталь ремонт ясалган. Өч административ бина, фельдшер-акушерлык пункты, спорт заллары һәм «Олимп» спорт мәктәбе, шулай ук «Дубравушка» сәламәтләндерү лагере төзелде. Алты парк һәм сквер төзекләндерелгән. Барлык проектлар да федераль үзәк, Татарстан ярдәме һәм Рөстәм Нургалиевичның шәхси игътибары нәтиҗәсендә тормышка ашырылды.
Ютазы муниципаль районы Башлыгы
А. Ә. Шәфигуллин