"Энергия" физкультурачыларны һәм спортчыларны сәламләде
Физкультурачылар көне кысаларында Урыссу бистәсенең «Энергия» стадионында лаеклы танылу алган спортчыларны һәм спорт сөючеләрне хөрмәтләү чарасы узды.
Безнең район спортның күп төрләре буенча төрле дәрәҗәдәге ярышларда үзен таныта. Физик культурага, сәламәт яшәү рәвешенә мөмкин кадәр күбрәк кешене җәлеп итү өчен мөмкин булганның барысы да эшләнә.
– Бүген без спортны яратучыларның бәйрәмен билгеләп үтәбез-һөнәренә һәм яшенә карамастан, физик культураны һәм спортны яшьләрне рухландыручы, берничә буын спортчы тәрбияләгән спорт ветераннарыннан башка күз алдына да китереп булмый.
Котлауларга район башкарма комитеты җитәкчесе Светлана Самонина һәм Башкарма комитет җитәкчесенең социаль мәсьәләләр буенча урынбасары Сергей Рузанов та кушылды. Иң изге теләкләрен юллап, алар бүләкләү тантанасын җитәкләделәр. Бүләкләнүчеләр арасында - ветераннар советы активистлары Рәзинә Карипова, Вячелав Сибагатов, волейбол командасы. Аларга район башкарма комитеты җитәкчесенең Рәхмәт хатлары тапшырылды. Бүләкләнүчеләр арасында өч кыз – Вероника Алексеева, Амелия Фәхретдинова һәм Елизавета Киршина «Хезмәткә һәм оборонага әзер» (ГТО) Бөтенроссия физкультура-спорт комплексының алтын отличие билгесенә лаек булдылар.
Ә район мәдәният йорты артистлары үзләренең иң яхшы җырларын бүләк иттеләр.
Тулырак: https://yutazy.ru/news/sport/energiia-privetstvovala-fizkulturnikov-i-sportsmenov