Юл кагыйдәләрен өйрәнүгә багышланган уен сәгате
Үзәк һәм Үзәк балалар китапханәләре хезмәткәрләре юл хәрәкәте кагыйдәләренә багышланган уен сәгате үткәрделәр. Ишегалды лагереннан балалар юл хәрәкәте кагыйдәләрен белүчеләр иленә мавыктыргыч сәяхәткә киттеләр. Балалар транспортның төрләре, юл билгеләре турында белделәр, яраткан әкият персонажларын һәм аларның транспорт чараларын искә төшерделәр, шулай ук урамда үз-үзеңне тотуның төп кагыйдәләре турында фикер алыштылар. Алар юл билгеләре турындагы табышмакларны кызыксынып чиштеләр һәм викторина сорауларына җавап бирделәр.
Аннары, командаларга бүленеп, балалар «Регулировщик», «Разбитый дорожный знак», «Зебра» һәм «Веселый светофор» кебек хәрәкәтчән уеннарда катнаштылар. Бу уеннар аларның белемнәрен һәм игътибарлылыгын тикшерергә, шулай ук юл хәрәкәте кагыйдәләрен тагын бер кат ныгытырга ярдәм итте. Очрашу ахырында балалар юл йөрү кагыйдәләрен үтәүнең мөһимлеге турында нәтиҗә ясадылар.
Чара балаларның юл-транспорт травматизмын профилактикалауга юнәлдерелде.