Ишегалды лагеренда «Яшьләр һәм балалар» милли проекты буенча Ватанны саклаучыларга ярдәм итүгә багышланган чаралар узды
Әлеге илкүләм проект яшь буынның һәрьяклап үсеше өчен шартлар тудыруга, актив гражданлык позициясен формалаштыруга һәм Ватанга мәхәббәт хисен ныгытуга юнәлдерелгән.
Остазлар җитәкчелегендә балалар маскировка ятьмәләрен үрү техникасын үзләштереп кенә калмадылар, ә хәрбиләр өчен өй сыйларын да әзерләделәр. Эш барышында балалар бер-берсенә ярдәм иттеләр, идеяләр белән уртаклаштылар һәм үз эшләренең һәр кисәкчәсенә җылылык һәм кайгырту салдылар. Үз куллары белән маскировка ятьмәләрен ясап һәм ризык әзерләп, алар үзләренең хезмәте бүген өйләреннән еракта булганнарга, илебезнең тынычлыгын һәм иминлеген саклаучыларга ярдәм итәчәген аңлаганнар.
Мондый шөгыльләр яшүсмерләрдә хезмәт һәм иҗат күнекмәләрен үстереп кенә калмый, ә бәлки Ватан язмышына катнашлык хисе дә тәрбияли. Үрү һәм сыйлар әзерләү процессында балалар безнең яклаучыларга никадәр җиңел булмавы турында уйланды һәм аларның батырлыгы аркасында булган тыныч тормышны кадерли башладылар. Мондый игелекле эшләр геройларга хөрмәт уята, патриотик рухны һәм халкыбызга кадерле булган бар нәрсәне саклау теләген ныгыта.