Бүген Рөстәм Миңнеханов Ютазы районына эш визиты белән килде
Бүген Рөстәм Миңнеханов Ютазы районына эш визиты белән килде.
Сәфәр урып-җыю кампаниясенә, яңартылган спорт инфраструктурасын карауга һәм район халкының көнүзәк проблемалары турында фикер алышуга багышланган иде.
Районга килгәч, Рөстәм Миңнеханов Ак-Юл авылы янындагы «Уңыш» ҖЧҖ арпа кырын карап чыкты. Монда ук Рөстәм Миңнеханов механизаторлар, хуҗалыклар җитәкчеләре һәм авыл җирлекләре башлыклары белән аралашты. Ютазы муниципаль районы башлыгы Аяз Шәфигуллин көзге культураларны җыюның тәмамлануы һәм сабан культураларын җыюның дәвам итүе турында сөйләде. Район буенча уртача уңдырышлылык-37,8 ц/га. Аяз Шәфигуллин, һава шартлары уңай булганда, сентябрьнең беренче декадасына бөртеклеләрне җыеп бетерәчәкбез, һәм игенчеләр техник культураларны җыюга керешәчәкләр, дип ышаныч белдерде.
Миңнехановны озата йөрүче Татарстан Республикасы Авыл хуҗалыгы һәм азык-төлек министры Марат Җәббаров, безнең аграрийларның эшен бәяләп, авыл хуҗалыгы җитештерүчеләренә, бигрәк тә шәхси ярдәмче хуҗалык һәм КФХ тотучыларга ярдәм программаларында активрак катнашырга өндәде.
Рөстәм Миңнеханов Ютазы районының тотрыклы нәтиҗәләрен билгеләп үтте, урып-җыю кампаниясенең уңышлы тәмамлануын теләде һәм авыл хуҗалыгы җитештерүчеләренең төбәк икътисадына зур өлеш кертүләрен ассызыклады.
Биредә кунаклар шулай ук җирле җитештерүчеләр тәкъдим иткән авыл хуҗалыгы продукциясе күргәзмәсе белән таныштылар: Ютазы кымызы, икмәк-күмәч эшләнмәләре, бал һәм умартачылык продуктлары, өй сабыннары, ысланган эшләнмәләр һәм СВОда катнашучылар өчен ашлар.
Урыссу бистәсендә Рөстәм Миңнеханов капиталь ремонттан соң «Олимп» спорт-сәламәтләндерү комплексында булды. Ул яшь спортчылар белән аралашты, аларга уңышлы чыгышлар теләде.
Миңнеханов район халкына СВОда катнашучыларга ярдәм итүдә актив катнашулары өчен рәхмәт белдерде, хәрбиләрнең гаиләләренә ярдәм итүнең мөһимлеген билгеләп үтте.
Визитка йомгак ясап, Рөстәм Миңнеханов яңгырлы һава торышына карамастан, һәр аяз көнне урып-җыюны тәмамлау өчен мөмкин кадәр нәтиҗәлерәк файдаланырга өндәде. Ул дәүләт программаларын гамәлгә ашыруны һәм коммуналь инфраструктураны модернизацияләүне дәвам итү турында искәртте.
Гомумән сезгә рәхмәт белдерәсем килә. Район тотрыклы эшли, бик яхшы бердәм команда. Юллар буенча сораулар бар. Бу юнәлештә эшне дәвам итәчәкбез, - дип йомгаклады Рөстәм Миңнеханов.
Миңнехановның Ютазы районына эш визиты төбәк җитәкчелегенең авыл хуҗалыгын, социаль инфраструктураны үстерүгә һәм район халкын борчыган проблемаларны хәл итүгә зур игътибар бирүен күрсәтте.
https://yutazy.ru/news/vizit/rabocii-vizit-minnixanova-v-iutazinskii-raion