Әбсәләм авыл мәдәният йорты «Террорга юк» мәгълүмат сәгате үткәрде
Террорчылык кешеләр тормышы һәм сәламәтлеге өчен дә, дәүләт тотрыклылыгы өчен дә җитди куркыныч тудыра.
Чара барышында мәдәният йорты хезмәткәрләре террорчылыкка каршы куркынычсызлык кагыйдәләре һәм гадәттән тыш хәлләрдә үзеңне ничек тотарга кирәклеге турында җентекләп сөйләделәр.
Әйтелгән төп тәкъдимнәр:
Шикле әйберләрне: фонарьларны, акча янчыкларын, телефоннарны, уенчыкларны һәм башка әйберләрне җирдән һич кенә дә күтәрмәскә, чөнки алар куркыныч булырга мөмкин.
Шикле предметлар яки кешеләр турында ашыгыч хезмәтләр телефоннары аша хокук саклау органнарына хәбәр итәргә.
Террорчылык янаулары мөмкин булган урыннарда кешеләр тупланудан качарга.
Җәмәгать транспортында, вокзалларда, сәүдә үзәкләрендә һәм кешеләр күп була торган башка урыннарда игътибарлы булырга.
Куркыныч янаган очракта эвакуацияләү планын һәм төп коткару юлларын белергә.
Чара интерактив форматта узды: катнашучылар сораулар бирделәр, реаль ситуацияләрне тикшерделәр һәм практик күнегүләр ярдәмендә белемнәрен ныгыттылар. Оештыручылар ассызыклаганча, һәр гражданның уяулыгы һәм хәбәрдарлыгы — җәмгыять иминлегенә мөһим өлеш.
Исегездә тотыгыз: бары тик уртак тырышлык белән генә без террорчылыкка каршы тора һәм үзебезне һәм якыннарыбызны яклый алабыз!