Хөрмәтле Ютазы районы халкы!
Сезне Россия Федерациясе Дәүләт флагы көне белән котлыйм! Бу флаг - бәйсезлек символы гына түгел. Ул безне Ватанга мәхәббәттә берләштерә, дәүләт символларына хөрмәт һәм патриотизмны гәүдәләндерә. Аның белән без алга барабыз, җиңәбез, яңасын ачабыз, тау биеклекләрен яулыйбыз, спорт рекордлары куябыз.
Татарстан Республикасы Рәисе Рөстәм Миңнеханов әйтүенчә, бу бәйрәм безгә бердәмлек, горурлык һәм Ватанга мәхәббәт турында искә төшерә. Ул мәдәниятләрнең байлыгын, илебезнең көчен һәм абруен символлаштыра.
Безнең триколор - ул тарих — ата-бабаларыбызның батырлыклары, буыннар хәтере, спортчылар һәм галимнәрнең казанышлары, бөек осталарның иҗади мирасы. Ул бүген җиребезне үстерүче һәм саклаучы барлык кешеләрне берләштерә.
Сезне чын күңелдән шушы бәйрәм белән котлыйм! Тынычлык, сәламәтлек, бәхет, тотрыклылык һәм иртәгесе көнгә ышаныч телим.