Татарстан Республикасы Дәүләт торак инспекциясе башлыгы - Татарстан Республикасы Баш дәүләт торак инспекторы Тыгин Александр Васильевич катнашында Ютазы муниципаль районының капиталь ремонт объектларын карап чыгу
Кичә Татарстан Республикасы Дәүләт торак инспекциясе башлыгы, Татарстан Республикасының Баш дәүләт торак инспекторы Александр Васильевич Тыгин катнашында Ютазы муниципаль районының күп фатирлы торак йортларында капиталь ремонт объектларын карап чыктылар.
Тикшерү барышында эшләрне башкару графигын үтәүгә, файдаланыла торган төзелеш материалларының сыйфатына, элек бирелгән тәкъдимнәрне тормышка ашыруга һәм халык белән элемтәне оештыруга аерым игътибар бирелде.
Александр Тыгин ассызыклаганча, гражданнарның тормыш сыйфаты капиталь ремонт үткәрүнең нәтиҗәлелегенә турыдан-туры бәйле. Ул шулай ук барлык ачыкланган җитешсезлекләрне һәм хокук бозуларны оператив рәвештә бетерү кирәклеген билгеләп үтте.
Тикшерү нәтиҗәләре буенча подряд оешмаларына һәм җирле үзидарә органнарына кисәтүләрне бетерү өчен күрсәтмәләр бирелде. Мониторинг нәтиҗәләре Татарстан Республикасы Дәүләт торак инспекциясе даими контролендә булачак.