Татарстан Республикасы Рәисе премиясен алуга документлар кабул итү башланды
Татарстан Республикасы Президентының 2015 елның 3 июлендәге ПУ-619 санлы Указы нигезендә Татарстан Республикасы Иҗтимагый палатасында 2025 елның 26 августыннан 29 сентябренә кадәр Татарстан Республикасында граждан җәмгыяте институтларын үстерүгә керткән өлеше өчен Татарстан Республикасы Рәисе премиясенә дәгъва кылу өчен документлар кабул ителә.
Премия күләме 500 мең сум тәшкил итә – гражданнарга (гражданнар төркемнәренә)
һәм 800 мең сум – оешмаларга.
Премиягә дәгъва кылучыны күрсәтү Татарстан Республикасы территориясендә теркәлгән коммерциягә карамаган оешмалар, республика башкарма хакимият органнары каршындагы Иҗтимагый советлар, Татарстан Республикасының тиешле муниципаль берәмлекләрендә төзелгән иҗтимагый советлар тарафыннан башкарыла.
Документлар Татарстан Республикасы Иҗтимагый палатасында түбәндәге адрес буенча кабул ителә: Казан шәһәре, Батурин урамы, 7А йорт. Элемтә өчен телефон: (843) 567-80-99.
Сылтама буенча өстәмә мәгълүмат https://oprt.tatarstan.ru/premiyaprezidenta-respubliki-tatarstan-za-vklad.htm