СВО катнашучылары белән җылы очрашу
Әбсәләм авылы мәдәният йортында авыл халкының хәрби хезмәткәрләр – махсус хәрби операциядә катнашучылар, Әбсәләм авылында туып-үскән Ильяс Хәйталаков һәм Илдар Галимов белән очрашуы узды. Хәзерге вакытта кыска вакытлы ялда булган сугышчылар туган мәдәният йортында якташлары белән аралаша алдылар.
Чара түгәрәк өстәл форматында «Без бергә» волонтерлар төркеме активистлары белән берлектә оештырылды. Әңгәмә дусларча, өйдәгечә җылы атмосферада үтте. Катнашучылар үзләрен кызыксындырган сорауларны бирделәр, хәрби хезмәтләре һәм батырлыклары өчен тирән рәхмәт сүзләрен җиткерделәр.
Очрашу азагында волонтерлар хәрәкәте вәкилләре һәм авыл халкы чын күңелдән Ильяс белән Илдарга хезмәтләре һәм фидакарьлекләре өчен рәхмәт белдерделәр, аларга нык сәламәтлек, бәхет, иминлек һәм тизрәк җиңү белән кайтуларын теләделәр.
Ватанны саклаучылар елындагы бу очрашу тагын бер тапкыр мөһим кыйммәтләрне искә төшерде: үзара ярдәмләшү, Ватанга мәхәббәт һәм геройларыбызга ярдәм итү. Без якташларыбыз белән горурланабыз!
Тулырак: https://yutazy.ru/news/patriotizm/teplaia-vstreca-s-ucastnikami-svo