Ютазы районында сайлаулар югары оештыру дәрәҗәсендә узды
Бу хакта бүлек һәм хезмәтләр җитәкчеләренең атналык киңәшмәсендә район башлыгы Аяз Шәфигуллин хәбәр итте.
ТР Рәисен һәм җирле депутатларны сайлау көнендә ютазылылар активлык күрсәттеләр һәм күпчелек тавыш Татарстанның хәзерге Рәисе Рөстәм Миңнехановка бирелде. Алда билгеләп үтелгәнчә, тавыш бирү көнендә сайлау участокларында медицина хезмәткәрләре эшләгән. Район халкы гриппка каршы бушлай прививка ясату хокукыннан файдаланган. УЦРБ баш табибы Светлана Шакирова сүзләренчә, вакцинацияне 1700 дән артык кеше ясаган. Сайлау участокларында медикларга башка ярдәм сорап мөрәҗәгать итүче булмаган. Район буенча салкын тиюгә килгәндә, баш табиб сүзләренчә, авырулар арту туктатылган.
- Киләсе атнадан, - диде Светлана Шакирова, - районда күчмә флюорограф эшли башлаячак. Флюоромобиль авылларда эшли башлый.
Киңәшмәдә әйтелгәнчә, район игенчеләре сабан культураларын җыю эшләрен активлаштыралар, ул бүгенгә 65 процент тәшкил итә, уңдырышлылык – гектардан 30 центнер. Авыл хуҗалыгы һәм азык-төлек идарәсе шәхси ярдәмче хуҗалыкларның сыерлар, кәҗәләр, бияләр асрауга һәм яшь кош-корт сатып алуга чыгымнар өлешен каплау эшен төгәлләде.
Хокук бозуларга килгәндә, узган атна шактый тынгысыз булды. Россия Эчке эшләр министрлыгының Ютазы районы буенча бүлегенең җәмәгать тәртибен саклау буенча полиция начальнигы урынбасары Данил Ишков мәгълүматы буенча, 8 сентябрьдән 15 сентябрьгә кадәр 40 хокук бозу очрагы теркәлгән. Алар арасында - бер ату ярасы, биш мошенниклык очрагы, өч чит кешенең милкен урлау, биш кыйнау, ике янау, бала тәрбияләү буенча бурычларын үтәмәүнең бер очрагы, гражданнарның тынычлыгын бозуның ике очрагы ГИБДД линиясе буенча 37 административ беркетмә төзелгән.
Киңәшмә барышында тормыш эшчәнлегенең башка мәсьәләләре дә каралды – социаль учреждениеләргә җылылык белән тәэмин итүгә әзерлек, октябрьдә Октябрьский юнәлешендәге яңа күперне ачуга әзерлек, шулай ук якын көннәрдә район мәдәният йорты, киләсе елга ветеринария хезмәте бинасын төзү өчен җир кишәрлеге билгеләү…
Тулырак: https://yutazy.ru/news/video/vybory-v-iutazinskom-raione-prosli-na-vysokom-organizacionnom-urovne