Ютазы районы кунаклары район Советының беренче утырышы алдыннан яңартылган мәдәният йорты белән таныштылар
Район башлыгы Аяз Шәфигуллин һәм район җитәкчелегенең башка вәкилләре озатуында ТР Дәүләт Советы депутаты Камил Гыйльманов, ТР Министрлар Кабинетының ЗАГС идарәсе җитәкчесе Эльвира Әхмәтова, ТР Рәисе идарәсенең территорияләр белән эшләү буенча баш белгече Айрат Хәсәнов яңартылган заллар буйлап йөрделәр, район мәдәният йорты фойесында оештырылган иҗади эшләр күргәзмәсе белән таныштылар.
Район мәдәният йорты каршында кунакларны милли киемнәрдәге кызлар каравай һәм чәкчәк белән каршы алдылар, ә районда һәм аннан читтә танылган «Ютазы йолдызлары» бию коллективы һәм «Сударушка» үрнәк рус җыры ансамбле кәефләрен күтәрделәр.
Татмедиа Telegram-каналында иң мөһим һәм кызыклы яңалыкларны күзәтегез
Татарстан яңалыкларын МАХ милли мессенджерында укыгыз: https://max.ru/tatmedia