Без яңа экспонатларны шатланып кабул итәбез!

2025 елның 2 октябре, пәнҗешәмбе

Күптән түгел Урыссу штп халкы музейга кыйммәтле бүләкләр тапшырды. Харисовлар гаиләсе әбиләре Хөсәенова Сәкинәнеке булган татар читекләрен тапшырды.

Читек - татар халкының милли аяк киеме. Алар Россиядә генә түгел, аннан читтә дә күптәннән билгеле. Уңайлы һәм матур бизәлгән читек итекләре татарларның визит карточкасына әверелде.

Хәбибуллина Зәйтүнә Мотыйгуловна —шулай ук үз әйберләрен музейга бүләк итте. Тапшырылган экспонатлар арасында — 1985 елда чыгарылган электр самовары, кул сәгате, будильник, проигрыватель һәм башка предметлар.

Уникаль экспонатлар өчен тирән рәхмәтебезне кабул итегез!