23 октябрьдә Татарстан Республикасы "Яшәү өчен инфраструктура" милли проекты кысаларында Ютазы муниципаль районында Ык елгасы аша күперне ачу тантанасы булды
«Октябрьский — Урыссу» автомобиль юлында Ык елгасы аша реконструкцияләнгән күпер аша чыгу урынында хәрәкәтне ачу тантанасында Башкортостан Республикасы башлыгы Радий Хәбиров, Татарстан Республикасы Премьер-министры Алексей Песошин катнашты. Ык елгасы аша күпер Татарстан белән Башкортстан арасындагы туганлык дуслыгын символлаштыра.
Татарстан Республикасы һәм Башкортостан республикасы чигендә урнашкан күпер 1948 елда төзелгән. 2016 елдан биредә йөк транспорты хәрәкәте чикләнгән иде, ә 2023 елның июленнән күпер авария хәлендәге булу сәбәпле тулысынча ябылган иде. 2024 елда «Яшәү өчен инфраструктура» милли проекты кысаларында күпер аша чыгу урынында торгызу эшләре башланды.
Реконструкция кысаларында Ык елгасы аша күпер аша чыгу урынында иске авария хәлендәге корылма сүтелде һәм яңа терәкле яңа күпер төзелде. Куркынычсызлык полосалары, яңа барьер һәм култыкса киртәләре, ясалма электр яктырту төзелде. Тимер-бетон конструкциянең озынлыгы 238,5 м, машина йөрү өлешенең киңлеге 7 м тәшкил итә.