Герой белән очрашу
Кәрәкәшле авыл китапханәсендә күңелне нечкәртеп уздырылган очрашу булды.
Балалар янына кунакка кыска вакытлы ялга кайткан махсус хәрби операциядә катнашучы Роберт Насыйров һәм аның әнисе Гөлзирә Сириновна килде.
Роберт укучыларның күпсанлы сорауларына җавап биреп, үсеп килүче буын белән рәхәтләнеп аралашты. Ул солдатларның көндәлек тормышы, барлык авырлыкларга һәм мәхрүмлекләргә карамастан, Россия сугышчыларының көн саен тиңдәшсез батырлык, ныклык һәм чын каһарманлык күрсәтүләре турында сөйләде.
Бигрәк тә аның сугышчыларга өйдән килгән хәбәрләр, шулай ук таныш булмаган кешеләрдән килгән хатлар — сәламәтлек һәм тизрәк җиңү теләкләрен белдергән җылы, ихлас юллар никадәр зур ярдәм һәм көч бирүе турында сөйләве күңелгә үтеп керерлек булды.
Мәдәният волонтерлары Робертка чын күңелдән нык сәламәтлек, уңышлы хезмәт һәм тизрәк җиңү белән кайтуын теләделәр.
Очрашу барышында шулай ук икенче якташыбыз Әнис Әхмәтовның да кушуы үтәлде. Сез хәтерлисез, ул Татарстан флагын киләчәк Җиңү символы буларак тапшырды, анда үзенең позывное белән бергә Кәрәкәшле авылыннан СВОда катнашучыларның барысының да имзаларын өйдә ялда булганда калдыруларын сорады. Роберт, байракта үзенең истәлекле язуын калдырып, иптәшенең һәм авылдашының үтенечен шатланып үтәде.
Егетләр, без сезне көтәбез! Җиңү белән көтәбез! Без сезгә ышанабыз
Тулырак: https://yutazy.ru/news/svo/vstreca-s-geroem