Архивларның цифрлы чоры: архив хезмәтендә традицион һәм иң яңа технологияләр
22 октябрьдә Татарстанда традицион һәм өр-яңа технологияләр ярдәмендә мирасны саклау буенча ТР Дәүләт архивы коллегиясенең чираттагы утырышы узды.
ТР Дәүләт архивы рәисе Гөлнара Габдрахманова үсешнең стратегик векторларын билгеләде. "Цифрлаштыру - ул инде киләчәк түгел, ә архив эшенең бүгенгесе! Болар - иң яңа технологияләр, әмма рухи нәрсәләрне дә онытмаска кирәк: һәр изге китапта без үзебезнең ата-бабаларыбызны ким дигәндә 7 буынга кадәр белергә тиешбез дип язылган, ә күп кенә балалар хәзер әби-бабаларының исемнәрен дә белмиләр, бу бик кызганыч! Әлбәттә, алай булырга тиеш түгел!»
Белгечләр Камашева Ф.М. (Республика клиник хастаханәсе) һәм Абдуллина А. Т. ("Сетевая компания" АҖ) докладларын аерым билгеләп үтәргә кирәк. Алар безнең системаның - бердәм архив мәгълүмат системасының (ЕАИС) республика оешмаларының тормышын гадиләштерүен һәм архивлар белән хезмәттәшлекне максималь нәтиҗәле итүен күрсәттеләр.
Булат Җамалиев «Госпромпт» илебезнең перспективалы цифрлы платформасы турында сөйләде, ул эш алып бару өлкәсендә хезмәткәрләрнең эшен сизелерлек җиңеләйтә.
"Алдынгылар хәрәкәте"нең төбәк бүлеге белән килешү имзалау аеруча горурлык булды!
Ә барысы да геройларыбызны – Дәүләт архивы һәм муниципаль районнар архивларының хезмәтләре бәяләп бетергесез булган иң яхшы хезмәткәрләрен бүләкләү тантанасы белән тәмамланды. Ютазы районының архив бүлеге җитәкчесе Лилия Гәрәевага Татарстан Республикасы Дәүләт комитеты рәисенең рәхмәте белдерелде.