Тарих һәм табигать дөньясына экскурсия

2025 елның 28 октябре, сишәмбе

27 октябрь көнне Урыссу гимназиясенең 3 класс укучылары "Без бергә! Мы вместе!" район тарих-туган якны өйрәнү музеенда булдылар.

Балалар зур кызыксыну белән туган якның үткәненә һәм бүгенгесенә чумдылар. Алар тарих, мәдәният һәм гореф-гадәтләр турында күп яңалыклар белделәр, археологик табылдыклар, борынгы көнкүреш әйберләре, документлар һәм фотографияләр белән таныштылар. Балаларда җирле флора һәм фаунага багышланган экспонатлар аеруча соклану уятты.

Экскурсия бик кызыклы килеп чыкты һәм барысында да бик күп уңай хис-кичерешләр калдырды!

Тулырак: https://yutazy.ru/news/kultura/ekskursiia-v-mir-istorii-i-prirody