Ютазы районында Светлана Самонина Башкарма комитетны җитәкләде
Район Советы депутатлары карары белән Светлана Самонина Ютазы районы башкарма комитеты җитәкчесе вазифасына билгеләнде.
2025 елның 7 ноябрендә узган V чакырылыш район Советының икенче утырышында көн тәртибендәге төп мәсьәлә Башкарма комитет җитәкчесен билгеләү булды. Тәкъдим ителгән социаль-икътисадый үсеш программаларын караганнан соң, депутатлар үз сайлауларын ясады.
Конкурс нигезендә вазыйфага Светлана Самонина һәм Сергей Рузанов дәгъва кылды. Ике кандидат та районның социаль-икътисади үсешенә үз карашларын белдерделәр, аларны депутатлар корпусы игътибар белән тыңлады.
Ачык тавыш бирү нәтиҗәсендә 22 депутатның 18е Светлана Самонина кандидатурасын хуплады.
- Без бергәләп Ютазы районы халкы файдасына яңа уңышларга ирешә алачакбыз! - дип билгеләп үтте район башлыгы Аяз Шәфигуллин, Светлана Самонинаны билгеләнүе белән котлап.
Алда Светлана Самонина Ютазы районының чәчәк атуына һәм үсешенә юнәлтелгән 5 ел җаваплы эш көтә.
Тулырак: https://yutazy.ru/news/tema-dnya/v-iutazinskom-raione-svetlana-samonina-vozglavila-ispolkom