Ноябрь ахырына барлык салымнарны да түләргә кирәк
Түләмәгән өчен штраф алмас өчен, 1 декабрьгә кадәр мөлкәткә, транспортка һәм җиргә салым түләргә кирәк.
Моңа район башлыгы Аяз Шәфигуллин бүлек һәм хезмәтләр җитәкчеләренең атналык киңәшмәсендә игътибар итте.
Оператив хәл (17-23 ноябрь)
Киңәшмә эше гадәттәгечә оператив вәзгыять турындагы мәгълүматтан башланды. Узган атнада хокук бозулар турында 12 хәбәр теркәлгән: 1 мошенниклык очрагы, 1 гаилә җәнҗалы, 3 кеше милкен урлау очрагы, 2 кинәт үлем очрагы, 2 юл хәрәкәте кагыйдәләрен бозу очрагы, 1 җәрәхәт алу очрагы. ЮХИДИ линиясе буенча 51 административ материал төзелгән: 5се – тонировканы тиешенчә кулланмаган өчен, 2се-исерек килеш руль артына утырган өчен.
Сәламәтлек саклау
Район хастаханәсе баш табибы Светлана Шакирова билгеләп үткәнчә, район хастаханәсе штат режимында эшли. «Кызыл зона»ның сигез пациентының алтысы - савыгу стадиясендә. Стационар дәвалануда булган 15 баланың җидесе пневмониядән дәвалана. Районда яшәүчеләр гриппка каршы актив вакцина ясыйлар.
Киңәшмә барышында тормышны тәэмин итүнең башка актуаль мәсьәләләре дә каралды. Опека һәм попечительлек секторы мөдире докладын тыңлаганнан соң, район башлыгы тәрбиягә алган гаиләләрдә тәрбияләнүче балаларның кызыксыну түгәрәкләренә, спорт секцияләренә һәм иҗат юнәлешләренә йөрүенең, аларны «Алдынгылар хәрәкәте»нә җәлеп итүнең мөһимлеген ассызыклады. Аяз Шәфигуллин шулай ук опека органы тарафыннан бу балаларга карата теләсә нинди сигналга кичекмәстән җавап бирүнең мөһимлеген искәртте.
Тулырак: https://yutazy.ru/news/tema-dnya/k-koncu-noiabria-neobxodimo-zaplatit-vse-nalogi