"Җиңү классикасы": яшь актерларның якты чыгышлары
6 декабрьдә район мәдәният йортында «Җиңү классикасы» Алдынгылар хәрәкәте проекты кысаларында театр коллективлары конкурсы булды.
Чарага Ютазы районы мәктәпләреннән җиде иҗат командасы җыелды. Яшь актерлар тамашачыларга үзләренең спектакльләрен тәкъдим иттеләр, гаҗәеп осталык һәм театр сәнгатенә эчкерсез мәхәббәт күрсәттеләр. Һәр чыгыш тамашачыларга онытылмаслык хис-кичерешләр бүләк итеп, бәләкәй бәйрәмгә әверелде.
Конкурс йомгаклары буенча жюри җиңүчеләрне билгеләде:
«Сәйлән» театр коллективы (Кече Урыссу мәктәбе);
«Тамчылар» театр коллективы (Ютазы мәктәбе).
Конкурс чыгышларыннан соң катнашучылар өчен актерлык осталыгы буенча мастер‑класслар үткәрелде. Тәҗрибәле режиссерлар һөнәри серләре белән уртаклаштылар, балаларга яңа техникаларны үзләштерергә ярдәм иттеләр һәм киләчәктә иҗади үсеш өчен кыйммәтле киңәшләр бирделәр.
9-10 декабрьдә үк җиңүчеләр конкурсның республика этабында Ютазы районы данын якларга юл тотачак. Талантлы артистларыбызга чын күңелдән уңышлар һәм истә калырлык матур чыгышлар телибез!
Чарадан күбрәк фотосурәтләр - безнең альбомда.
Тулырак: https://yutazy.ru/news/kultura/inu-klassikasy-iarkie-vystupleniia-iunyx-akterov