Ютазылылар яхшы эшли һәм яхшы ял итә беләләр
Узган бәйрәм кичендә районыбызның йөрәге, район мәдәният йорты мәйданы Яңа ел бәйрәменә чумды.
Биредә төп чыршы янына төрле яшьтәге Ютазы халкы җыелды. Биек чыршы яныннан төрле якка үрмә гирляндалар китеп, очсыз-кырыйсыз йолдызлы күк йөзе астында җемелдәп торган җыйнак чатыр хасил итә иде. Балкып торган шушы түгәрәктә бәйрәмдә катнашучылар, кулга-кул тотынышып, әйлән-бәйлән әйләнделәр, балачактан яраткан җырларын чын күңелдән җырладылар.
Район башлыгы Аяз Шәфигуллин җыелучыларга иң җылы һәм ихлас сүзләр белән мөрәҗәгать итте. Узып баручы елда башкарылган эшләргә кыскача тукталып, ул якташларын һәм район кунакларын менә-менә законлы хокукларына аяк басачак яңа ел белән котлады, барысына да ныклы сәламәтлек һәм, әлбәттә инде, хыяллары тормышка ашуын теләде.
- Безнең уртак теләкләребезнең иң кадерлесе, - дип ассызыклады Аяз Әдипович, - күптән көтелгән сугышлар өстеннән тынычлык тантанасы булуы, ир-егетләребезнең СВО зонасыннан исән-сау әйләнеп кайтулары…
Бу гади һәм шундый әһәмиятле сүзләр һәр йөрәктә яңгыраш тапты. Традиция буенча район башлыгы учреждениеләрне Яңа ел бизәлеше буенча конкурста җиңүчеләрне һәм призерларны бүләкләү тантанасын җитәкләде. Ә ул арада сәхнәгә өч баһадир ашыга иде инде. Ютазы артистлары үзләренең сәхнә осталыкларын тагын бер кат күрсәттеләр. Ә төп тылсымчылардан башка нинди әкият соң? Кыш бабай юмарт теләкләрен һәм яхшы кәеф өләште. Ә Кар кызы бу кичне бертөрле кышкы матурлык белән балкытып торды, балаларны да, өлкәннәрне дә сокландырды.
Йолдызлы күк астындагы бу кышкы кич безгә тагын бер тапкыр искә төшерде: иң мөһиме - бергә булу, шатлыгыбызны уртаклашу һәм яхшылыкка ышану. Район мәдәният йорты мәйданындагы бу яктылык, куллар җылысы һәм чын күңелдән тынычлык теләү безне ел буе җылытсын. Яңа ел белән, кадерле ютазылылар! Сәламәтлек, бәхет һәм тынычлык безнең өйләргә!
Тулырак: https://yutazy.ru/news/prazdniki/iutazincy-umeiut-xoroso-rabotat-i-xoroso-otdyxat