Ютазы районы дәүләт автоинспекциясе хәрәкәттә катнашучыларны котлады
Ютазы районы дәүләт автоинспекциясе хәрәкәттә катнашучыларны котлады
Ютазы районы Дәүләт автоинспекциясе хезмәткәрләре машина йөртүчеләрне якынлашып килүче Яңа ел белән котладылар, юл йөрү кагыйдәләрен үтәргә һәм җәяүлеләргә игътибарлы булырга өндәделәр. Бу акцияне алар юл хәрәкәте иминлеге идарәсе ДБУ, «Ютазы таңы» район газетасы һәм юл хәрәкәте яшь инспекторлары отряды вәкилләре белән бергә үткәрделәр.
ГАИ инспекторлары һәм аларның яшь ярдәмчеләре гражданнарга юл хәрәкәте кагыйдәләрен үтәүнең мөһимлеген актив рәвештә искә төшерделәр. Алар җәяүлеләр урамны кичкәндә аеруча игътибарлы булырга һәм тәүлекнең караңгы вакытында күренеп тору өчен киемнәрендә яктылыкны кире кайтара торган элементларны кулланырга тиешлеген ассызыкладылар.
Акциядә катнашучылар машина йөртүчеләргә һәм җәяүлеләргә юл хәрәкәте кагыйдәләрен үтәү турында белешмәләр белән открыткалар тараттылар, шулай ук барысына да имин һәм шатлыклы Яңа ел теләделәр. Дәүләт автоинспекциясе хезмәткәрләре шундый рухи котлау белән юлларда куркынычсызлык атмосферасы булдырырга һәм бәйрәмнәр вакытында игътибарлылыкның мөһимлеген искә төшерергә омтыла.