Ютазы муниципаль районының Алабакүл авылында гомер итүче Ольга Салихова шушы көннәрдә 90 яшьлек юбилеен билгеләп үтте
Алабакүлдән озын гомерле Ольга Галиәхмәт кызы Салихованы район башлыгы исеменнән Аппарат җитәкчесе Марьяна Вәлиуллова, шулай ук Димтамак авыл җирлеге башлыгы Җәлил Хөснетдинов котлады.
Әлеге вакыйга юбилярның тормышына һәм казанышларына ихтирам күрсәтеп кенә калмый, ә «Гаилә» милли проекты һәм аның «Өлкән буын» Федераль проекты алга сөргән кыйммәтләрне тормышка ашыруның ачык мисалы да булып тора. Бу инициативалар өлкәннәргә ярдәм итүгә, буыннар арасындагы элемтәне ныгытуга, шулай ук җәмгыятебездә өлкән буын өчен уңайлы шартлар тудыруга юнәлдерелгән.
Марьяна Заквановна чәчәк бәйләме һәм бүләк белән бергә Россия Президентыннан котлау телеграммасы тапшырды һәм район башлыгының сәламләү сүзләрен укыды. Ветеран ихлас күңелдән игътибарга лаек булды һәм кунакларга үзенең катлаулы, әмма кызыклы тормышы турындагы истәлекләре белән рәхәтләнеп уртаклашты. Ольга Галиәхмәтовнага ачлыкны да, салкынны да, сугыш ачысын да күп кичерергә туры килде. 21 гасырда туганнарны, ул елларда кешеләрнең ничек яшәгәннәрен күз алдына да китерүе кыен булыр. Әмма нәкъ менә шундый тарихлар безгә үткәннәрне истә тотарга һәм хәзергене бәяләргә ярдәм итә.
Ольга Галиәхмәтовнаның тормышы - чын батырлык ул. Аның үрнәге безне нык булырга, Ватанны яратырга, бердәмлеккә, батырлыкка һәм фидакарьлеккә өйрәтә. Үзенең 90 яшьлек юбилеенда ул котлаулар һәм изге теләкләр кабул итте, рәхмәт сүзләрен һәм соклану сүзләрен тыңлады. Ә бу мизгелдә аның күзләрендә шатлык балкып тора — аны яратучы, хөрмәт итүче туган кешеләре белән яшәвеннән, үзенең зирәклеге һәм тәҗрибәсе белән уртаклаша алуыннан.