Урыссудан яшь көрәшче Россия финалына юллама алды
8-11 гыйнвар көннәрендә Саранскида 17 яшькә кадәрге яшүсмерләр арасында грек-рим көрәше буенча Идел буе федераль округы беренчелеге узды.
Триумфатор Ютазы районы шәкерте Искәндәр Зәйдуллин булды. 55 кг кадәр авырлык категориясендә спортчы көмеш медаль яулады һәм, иң мөһиме, Татарстан җыелма командасы составында Россия беренчелеге финалында үз урынын тәэмин итте. Аның пьедесталга бару юлы катлаулы булды: биш киеренке көрәш, ә ярымфиналда Россиянең хәзерге призерын җиңү.
Республика командасы Бөтенроссия финалына нибары өч юллама алды, шуларның берсе — Искәндәрнеке. Җиңүгә тренерлар Хәмитов Алинур Рафаил улы һәм Борханов Тимур Марс улы тырышлыгы белән ирешелде.
Искәндәрне һәм аның остазларын зур уңышлары белән котлыйбыз һәм Бөтенроссия финалында җиңүләр телибез!
Тулырак: https://yutazy.ru/news/sport/iunyi-borec-iz-urussu-zavoeval-putevku-v-final-rossii