Акбашлылар киләчәк турында кайгыртып яши
Акбашлылар район җитәкчелеге белән очрашуда төзекләндерү, бердәмлек һәм киләчәккә планнар турында фикер алыштылар
Акбашта гражданнар җыены узды, анда 2025 елга йомгак ясалды һәм киләчәккә планнар турында фикер алыштылар. Халык белән очрашуда район башлыгы Аяз Шәфигуллин һәм район прокуроры Аяз Миндубаев катнашты.
Акбаш авыл җирлеге башлыгы Илһамия Сәхибуллина демографик авырлыкларга карамастан, җирлектә яшәүчеләрнең тормышын яхшырту буенча актив эш дәвам итүен билгеләп үтте. Быел җирлектә 2 бала туган һәм 6 кеше вафат булган, хәзер Акбашта 383 кеше яши. Төзекләндерүгә аерым игътибар бирелә: юлларда чокырларга ремонт ясалган, урам яктырткычлары алыштырылган, су белән тәэмин итү системасы ремонтланган һәм республика программасы буенча Мәктәп урамына вак таш җәелгән. Авылга керү юлында сәламләү аркасы һәм урам исемнәре язылган такталар кую мөһим вакыйга булды. Актив яшәүчеләр төзекләндерүгә үз өлешләрен керттеләр, Гоголь урамындагы колонканы алыштырдылар. Халыкка ярдәм итүгә зур игътибар бирелә. Ялгыз пенсионерларга һәм аз керемле гаиләләргә бушлай орлыклар һәм үсентеләр таратылды, ә Җиңү көне тантаналы митинг һәм концерт белән билгеләп үтелде. Авылның мәдәни тормышы да бай: бәйрәмнәр, концертлар һәм театр тамашалары уза. Акбаш авыл җирлеге грантлар алу конкурсларында актив катнаша һәм 2025 елда яңа автомобиль алып, җиңүче булды. Докладта махсус хәрби операциядә катнашучыларга ярдәм итү темасы кузгатылды. Җирлектә яшәүчеләр СВОда катнашучы якташларына гуманитар ярдәм күрсәтәләр. Һәлак булган хәрбиләрне бер минут тынлык белән искә алдылар.
Чара җирлектә актив яшәүчеләрне бүләкләү белән тәмамланды. Бүләкләрне Ютазы районы башлыгы Аяз Шәфигуллиннан Булат Хафизов, шулай ук авыл җирлеге башлыгы Илһамия Сәхибуллинадан Резидә Газизуллина, Нурия Нигъмәтҗанова, Роза Бадыйкова, Гөлнар Камаева, Люция Сабирова, Рузилә Ахунова, Венер Галимов һәм Расыйх Вәлиәхмәтов алдылар. Бу битараф булмаган кешеләр барлык чараларда да катнашалар һәм авылның киләчәге турында кайгырталар. Шулай ук «чакырылмаган кунаклар» - төлкеләр, Еновкага юл салу һәм шәхси ярдәмче хуҗалыкларга субсидияләр бирү мәсьәләсе дә каралды.
Доклад азагында Илһамия Сәхибуллина авылны яшелләндерүне, урамнарны яктыртуны торгызуны, чүп контейнерлары өчен мәйданчыклар булдыруны, урамнарга вак таш җәюне, зиратларны җыештыруны һәм Акбаш елгасы ярларын чистартуны үз эченә алган 2026 елга планнар билгеләде.
Тулырак: https://yutazy.ru/news/delovyie-novosti/akbascy-zivut-s-zabotoi-o-budushhem