Куркынычсызлык һәм ярдәм: авыл китапханәсендә балалар өчен очрашу узды
Ташкичү авыл китапханәчесе җирле мәдәният йорты вәкиле белән бергә балалар өчен куркынычсызлык һәм психологик иминлек мәсьәләләренә багышланган тематик очрашу оештырды.
Еш кына балалар авырлыклар кичерә, һәм бу хакта хәтта туганнарына да сөйли алмыйлар. Мондый очракларда ярдәмгә ачык һәм конфиденциаль ресурс - ышаныч телефоны килә.
Әңгәмә кысаларында катнашучылар ашыгыч психологик хезмәтнең эш принциплары, аның тулы анонимлыгы һәм теләсә кайсы вакытта ярдәм алу мөмкинлеге белән таныштылар. Оештыручылар белгечләргә нинди сәбәпләр буенча шалтыратырга мөмкин булуын аңлаттылар һәм авыр вакытта ярдәм сорап мөрәҗәгать итү — җаваплылык һәм үзең турында кайгырту чагылышы, дип ассызыкладылар. Очрашу азагында конфликт очраклары мисаллары тикшерелде һәм аларны конструктив чишү ысуллары тәкъдим ителде.