Беркем дә онытылмаган, бернәрсә дә онытылмаган
Район җитәкчелегенә еш кына СВО зонасында булган ир-егетләрнең, шулай ук һәлак булган геройларның әниләре яки хатыннары, үпкәләп мөрәҗәгать итәләр: аларны чараларга чакырмыйлар, бәйрәмнәр белән котламыйлар, әйтерсең лә алар турында оныталар.
Башта билгеләп үтик, Урыссу бистәсендә күп функцияле үзәк бинасында «Ватанны саклаучылар» СВО катнашучыларына ярдәм итү дәүләт фонды филиалының Татарстан Республикасы буенча социаль координаторы Рөстәм Ногманов эшчәнлек алып бара һәм кабул итә. Ул үзе СВО ветераны һәм бу эш аңа якын. Аның бурычы - махсус хәрби операция кагылган кешеләргә ярдәм итү. Нигездә бу демобилизацияләнгәннәргә тыныч тормышка җайлашуда ярдәм күрсәтү. Кагыйдә буларак, андыйларга авыр җәрәхәтләр яки авырулар нәтиҗәсендә сәламәтлек торышы буенча Россия кораллы көчләреннән эштән киткән егетләр керә. Координация үзәгенә шулай ук СВО зонасында хезмәт итүләрен дәвам итүче сугышчыларның хатыннары һәм әниләре дә килергә мөмкин. Якын кешесенең СВО зонасында хәбәрсез югалуына яки һәлак булуына аерым игътибар бирелә. Ягъни теләсә нинди бәла, сорау яки проблема белән килергә мөмкин. Монда сезне тыңларлар һәм мәсьәләне хәл итү юлларын эзли башларлар.
Шулай да, ни өчен кайбер гаиләләр читтә кала? - дип сорыйм Рөстәм Ногмановтан.
- Проблеманың тамыры, - дип аңлата ул, - пропискада һәм хәрби хезмәткә чакыру урынында. Яшь егет Ютазы районында яшәгән, монда теркәлгән, әмма Баулы хәрби комиссариатында түгел, ә Мәскәүдә яки башка төбәктә контракт төзеп, хезмәткә киткән. Бу очракта аның мәгълүматлары автомат рәвештә СВО зонасына киткән субъектның мәгълүматлар базасына эләгә. Җирле военкомат аның турында мәгълүматка ия булмаска да мөмкин. Шуннан гаилә игътибарсыз кала дигән хис туа.
Аңлашылмаучанлыкны булдырмау һәм тиешле ярдәмне алу өчен туганнарга беренче адымны ясау да җитә - социаль координаторга мөрәҗәгать итү. Аның бурычлары спектры шактый киң. Шулай итеп, ул хәрби хәрәкәтләр инвалидларының йортын яки фатирын яңадан җиһазландыруда, реабилитацияләүнең барлык төр техник чараларын сатып алуда ярдәм итә. Һәм СВО белән бәйле барлык мәсьәләләр буенча бушлай юридик ярдәм күрсәтә. Шулай ук СВО катнашучыларына һәм гаилә әгъзаларына тиешле ярдәм чараларын (федераль, төбәк һәм муниципаль) җиткерә. Моннан тыш, социаль координаторның бурычларына түләүләр һәм таныклыклар алу өчен документлар рәсмиләштерүдә; хәбәрсез югалган сугышчыларны эзләүдә; эзләү карталарын төзүдә; югалган сугышчының язмышын билгеләү өчен якыннары тапшырган ДНКны (яңак артындагы эпителийларны) сайлап алуда һәм җибәрүдә ярдәм күрсәтү йөкләнә. Бу мәгълүматлар ТР буенча Эчке эшләр министрлыгының эксперт-криминалистик үзәгенә җибәрелә. Исегезгә төшерәбез, барлык социаль координатор хезмәтләре бушлай күрсәтелә.
- Егетләрнең туганнарына нинди киңәш бирер идегез? - Рөстәм Ногмановка мөрәҗәгать итәм.
- Беренче чиратта, үз-үзеңә бикләнмәскә һәм улың яки ирең СВОга башка шәһәрдән киткән икән, ул республика яки район өчен «чит» дип уйламаска. Бу алай түгел. Үз Ватаныбызда чит сугышчылар юк. Бердәм авырту һәм уртак максат бар. Бердәнбер шарт - үзең турында әйтергә кирәк. Әгәр сезнең туган кешегез һәлак булса, яраланып кайтса яки һаман да "Тасма артында" булса, ниндидер сәбәпләр аркасында сез ярдәм сизмисез, килегез. Мин, социаль координатор буларак, район башкарма комитеты хезмәткәрләре белән берләшергә, кирәкле исемлекләргә мәгълүмат кертергә һәм теләсә нинди мәсьәләне хәл итәргә әзер.
«Ватанны саклаучылар» фондының координация үзәге түбәндәге адрес буенча урнашкан: Урыссу бистәсе, шагыйрь Сирин урамы, 35 (КФҮ бинасы, 2 кат, каб. № 205). Социаль координаторның телефоны: 8-927 467 06 60.
Белешмәләрне кертү һәм СВОда катнашучылар һәм аларның гаилә әгъзалары белән чагыштыру өчен муниципаль ярдәм чаралары күрсәтү исемлегенә район башкарма комитеты җитәкчесенең социаль мәсьәләләр буенча урынбасары секретарена 8 (85593) 2-42-05 телефоны буенча мөрәҗәгать итәргә яисә № 214 кабинет район башкарма комитеты бинасында (Урыссу бистәсе, Пушкин ур., 38 йорт).
Тулырак: https://yutazy.ru/news/patriotizm/nikto-ne-zabyt-nicto-ne-zabyto